Vernacolo Barese
Acquanne fasce male la vende
Mamme,ce delore!
Me fasce male u fianghe
fa subbete, chiame u dottore
ca mo mi a mette a chiange.
Figghie mi, u dottore nan serve
vide da fa du pepete, ce vole l'aria
paste fasule che la conserve
ni si mangiate assà, nann'è malaria.
Maggio 2012 Tommaso Giannelli
Le crestiàne
Le crestiàne accìdene e s’accìdene
No se pote chiù scì nanze a chessa manère
le crestiane avònne assùte matte addavère!
Sembe chidde so' le fatte ca se sèndene
da come te ialze a la matìne e fine a sere.
Nu marìte ha accedùte u figghie e la megghière,
n’aldùne apprìme ha sparàte e po’ s’accedùte.
Accìdene masque, fèmmene, giùvene e vicchie
che pistòle e chertìdde: e n’alda vite se ne ha sciute!
Pronde le tènene chiss’ arme? Ma vedìte nu picche!
U cervìdde, se sape, iè come a nu sfuègghie de cepòdde
e a quande iè u momènde, ca u sanghe arrìve mbonde,
la cape mbazzìsce, tanne de virme mequàte iè ricche!
U pòvere seldàte accìde percè chemmàtte na uerre
mbesce u terrorìste s’accìde percè crede a la uerre!
Nu pòvere òmene s’accìde percè fatìche no tene,
degnetà tene assà, pedènne accìde pure la megghière!
Chessa società ha perdùte de viste u valòre de la vite
e ce iè onèste e fasce u dovère su', sckatte nguerpe
se rebbellèsce e velèsse cangià totta la razze de serpe
velenùse, arrogànde ca de la pòvera gende se la ride!
Giuditta Abatescianni
23 aprile 2012
Sanda Necòla mì'
Sanda Necòla mì’
Tenghe na sore ca me sta' fasce sckattà u core
percè orama' s 'ha probbie nacedìte senza n' amòre.
“Sanda Necòla mi’, fange Tu la grazie de nu zite
percè chiù timbe passe, chiù va jìnde a u acìte!”.
Tutte le volde ca avève na propòste se retràve,
decènne ca a u crestiàne, la vocche nge puzzàve.
E ce ieve asseduàte assève sembe qualche defètte,
come ce jìedde ieve na Misse Italie e senza saiètte.
E, come a sòreme, de zetèlle nge ne stonne assà!
“Sole Tu, Sanda Necòla mi’ , na cosa bone la dà fa'!
Se sèndene sfertenàte, ca la sorte l' ha lassàte,
Tu ca le uagnèdde vacandì le si' sembe aitàte.
Pure ce Tu si' amànde de le frastìre e vine da lendàne,
famme la grazie percè chedde me tire mazzàte da le mane.
Ammìne l’ecchie piatùse sop’ a chedda pòvera sora
ca ce no addavère la fàzzeche fescì a desce migghie a l’ora!
U sàcceche ca tene orama' settand’anne, ma Tu si' granne,
Tu pute fa' u meràghele de fa' maredà a sòrema granne.
Ha devendàte assà petulànde, disce e disce sotte e sope,
iè nervòse, pettèghele e nvediòse e vole scì sope sope.
Me raccomàndeche, Sanda Necòle, che le tre palle d’ore
già da mò acchemmènzeche a recamà a ogn’ ore
pe fatte nu mandèlle chìne de stedde quande va' a mare
acchesì scendellèscene de luscia sanda pure le marenàre.
Giuditta Abatescianni 30 aprile 2012
Timbi dure
Aiire sere, steve a scapuà dall'officine
quanne u patrune m'ha chiamate
e chiare chiare acsì ha parlate:
Vitine, si nu tecniche sopraffine,
ma nan tinime ordinazzione
le cliende stonne senza terrise,
nan paghene:
e allore achiudeche, so decise.
Vide d'acchià n'alde sistemazzione.
Auande,
chess'è la buste de la liquidazzione.
Emmò, patrune, addò vogghe a sbatte
mmenze alla strade all'andrasatte,
voggh'affà u vastase alla stazzione?
O au mercate
o a carescià cequere e cimme da rape?
Patrune, lassale a me l'officine
lì fatighe, notte sere e matine
vidime accome sciame, ci u sape!
Le terrise ca trasene facimme a metà.
Sind'a me, patrune, pot'esse na prove
fatighe ii sule, fine a sera a le nove
le piccinine avonne mangià a sazietà.
D'accorde, Vitine, timbe tre mise
vidime ce chessa rote aggire giuste
acsì mangiame tutte con guste
stamme apirte e pigghiamele a rise!
febbraio 2012 Tommaso Giannelli
U valòre de le terrìse
So vìste chiànge n’òmmene a tande na lagreme e percè?
Aveve perdute la valisce de le stremìnde pe la fatiche!
Nu pizze de crestiame de na sessandina d’anne,
iàlde e gresse e ce u vedeve de venì mene!
Chedda dì venì a case pe revisionà la caldare du gasse:
nu cafè na chiacchiere e sembe gigghiuse e allegre.
Scrivì la recevute tutte precise e respennì o cellulare pe n’anda chiamate.
Manghe passò nu quarte d’ore u vedemme venì ndrete tutte sckandate:
sò perdute la valisce, sò perdute la valisce che goste du mila ieure, aietateme ad acchialle!
E indande la vosce devendave sembe chiù lagnose e geràve casa casa come a nù matte!
Ma vite nu picche a cusse: la caldare du gasse sta sope a verande, la borze e tutte l’alde cose l’aveve abbeggiate sope o tauue inde a le checcine apprisse a la verande.
Ce me segnifeche che se mette a cercà la valisce inde a tutte le stanze de casa mè, mbà!
Comungue sime cercate de calmaue percè u crestiane steve inde o paneche!
Mo iè se capisce che de chisse timbe de crise a perde le terrise iè na cosa brutte.
U lassamme fa percè faceve pene a vedeuue chiange senza ritegne come a nu pecceninne.
Indande de la valisce manghe l’ombre inde a casa. Pè fertune che s’arrecherdò che forse
l’aveve allassate inde a l’ascenzore e acchessì fescì fore de la porte chiangenne e lamendandese:
sò perdute la valisce, sò perdute la valisce, du mila ieure come ia fa a fadegà?Mò l’aveve accattate.
Salì arrete suse, acchiamendò arrete casa casa ma la valisce non nge steve!
Ormà u povere crestiane bianche bianche acchemenzò a tremmuà , pareve che da nu memende o ualde nge pegghiave n’infarte!
Che la sanda pascienza marideme cercanne de confortauue u acchembagnò abbasce e acchemenzanne do prime piane, senò le cambanidde de tutte l’inguiline, cissà che qualche iune che aveve pegghiate l’ascenzore non avesse acchiate la benedetta valisce.
Indande suse a casa steve u gebellere: aveva iesse nu pomerigge tranguille, daffore faceve fridde, aveve penzate de fa du panzerotte e do cime de rape stefate, cè a da fà, scì tutte all’aria tanne ieve la nervature!
Dope dò iore de velene la valisce fu acchiate, addò steve? U figghie de l’inguiline du terze piane che aveve venute a fa visete o uattane, l’aveve acchiate inde a l’ascenzore e la lassò dà a la case du uattane. Cusse brave crestiane fu chendende aqquanne vedì che cudde che l’aveve perdute finalmente se calmò pure ce condenuave a chiange, ma chessa volde non pe u dispiacere, ma pè la gioie! Ii’ mò digghe: e ce aveve perdute la megghiere aveva chiange acchessì?
Giuditta Abatescianni 06 febbraio 2012
Velesse!...ma nan pozzeche
" Velesse!.... ma nan pozzeche"
Nsterze,cammenanne tranguille
distratt'e curiose 'n via Brescie,
Steve iune ca venneve cozz'e pesce,
e so penzate a nu belle suche all'anguille!
Quanne iune me tuzzuesce o cuedde
e disce : ce sta a fasce a S. Pasquale?
leve Coline appen'assute da u spedale
seve rutte de le gamme le cannedde.
Comm'a mmè Coline tene ottand'anne.
A cammenà iè frecate ma u cerviddde funzione.
" Stogghe a mena du passe nu picche fori zone"
sso ditte -" a cammenà però vene l'affanne"
AH'andrasatte chell'ecchie me so bloccate
sope na femmene ca ncondre veneve.
Giovane, formos' e bella, le fianghe meveve!
So tezzuate a Coline : me so probbie agitate!
"Statte calme,na smiccianne la "tribbune"!
La femmene, sope umarcialappide stritte,
passò ridenn'e struscianne u belle pitte
e discì: "scuse nononneti sinde bbune"?
"Nan tande, signora, m'ammanghe l'aria"
"U profume ca tine 'n guedde, iè Chanel ?"
"Brave a nononne, ada disce "cingue" Chanel"
Ij iavete dà, ind'a cudde pertone, so Ilaria.
Vinime adacchià, ce uè revevesce
cafè e massagge: p'a iuta u core,
de matine e pure alia condrore :
secure ch'Ilaria t'ingallesce.
Va nnanze, Maria, ie venghe apprisse,
quanne salute all'amiche Coline,
sime fatte inzime la uerre a Cassine.
Chessa storie iè comm'a chedde d'Ulisse.
"Temasine", ca'sso ij, ha ditte Coline:
" Addò uè sci, appriss'a Ilaria?
nan vide ca t'ammanghe l'aria!
Nan si muerte a Cassine, uè meri sop'o cuscine"?
"là rascione vicchie cherobagne di uerre,
chiamendame le femmene che l'ecchie asselute
u timbe du gardidde iè adavere fernute,
stutame la fantasìe e cam menarne terra terre"
Inzime sime sciute, tempo ce n'era,
sime trasute ind'a na vecchie candine
pe na gazzose e nu quinde di mirre
e p'acchiamendà la belle candinera.
Se na belle femmene per case
s' arrenne e te disce : OK va bene!
lè tanne ca vene u probbleme
o massime puete dà sole nu vase!
Tommaso Giannelli
Sò disoccupate
Tènghe trendacing’ànne, tènghe na lauria e sò vacandì.
Dìscene che sò na bella uagnèdde, ma stògghe a seffrì!
Ce me ne mbòrte de la bellezze, ce me ne mbòrte de nu zite
iì velèsse asselùte na fatiche ppe’ cambà che degnetà la vite !
Aquànne pènzeche alle sagrefigge de mamme e papà ppe’ fàmme studià,u stòmeche s’à revòlde, le penziìre camìnene e non sàcceche cè ccòse fa!
Quanda domande, quanda congorse, quanda terrìse de fotocopie e raccomandate aspìtte e aspìtte sperànne a qualche resposte ma u tìmbe passe e ammène mazzate!
A mangià, a vestì, a pagà u fitte de la case, le medicine, le vìsete spegialistiche: e sì percè bisogna avè pure la fertùne de stà bbune in salute e iì sò pure stiteche!
La nosta costituzzione, vànde e glorie de chessa Itaglie civile e demogradeche u scrive n’anza n’anza all’artichele iùne: “ L’Italia è una repubblica democratica fondata sul lavoro….” .
Da la scòla elemedàre nge avònne agnùte la cape de tutte le diritte e le dovere e iì nge sò sèmbe credùte, ma la rialdà a l’età mè iè amare assà assà addavère!
Sò disoccupàte e ormà me ne stògghe a fà na rasciòne, ma non me rassegnèsceche: come a mè ne stònne a megghiàre, allore me fàsce mene male e me conzolesceche!
Ppò fascène le statisteche che iòsce se spòsene a quarand’ànne e chhiù e, ce tutte va bbune, fascène nu figghie e avaste, percè fatighene in ddù!
La fatiche, la fatiche, na volde se decève: “ La fatiche iè gnòre e se chiame checòzze, non nge ngòzze, non nge ngòzze!”
Cùsse proverbie iève sobrattùtte pe chìdde che tenèvene u poste statale o fisse : ièvene secùre du stependie a fine mese e facevene le sfalzìne a la facce de le fisse!
Apprìme iève tutte devèrse, la scòle iève deverse, l’istruzzione non iève ppe’ tànde: l’operaie e u’ mbiegate, le ricche e le povere, e quàse sèmbe u povere iève gnorànde!
Mò siìme tutte diplomate e lauriàte, ma la culdùre dà fastidie alle governànde percè u sàpene che le petìme condrastà, tenìme cerviìdde e velìme scì n’ànze!
Le giùvene de le famigghie benestànde se ne vònne all’estere e nù che arremanìme dò, nge m’à acchendendà de quàtte solde ppe’ tre, sé mìse, n’anne e po’ ce facìme?
Cè future stà pe’ me? Aquanne ma ià sestemà? E le geniture sèmbe avònne cambà?
Cè tene la fede iè chiù fertenate, ma ce iè scetteche come a mè se pote sole arrangià!
Giuditta Abatescianni 13 novembre 2011
Ripartenza 2011 - 2012
Meh, uagnune, avaste a dorme,
comme se disce: chi dorme non piglia pesci !
Ama sta belle discetate : ama scrive e lesce
Nzomme ama iesse inzist'e in forme.
Sime lassate le vicchie Sorelle di via Scipione
ca scevene acchianne sembe terrise
stevene sembe ngazzate, ma nu sorrise!
E mo stame a Mortelle, o queste di vie Cambione.
La nova sede iè na bella e granne scola alimentare
Addò le peccininne ambaren' a sciv'e a lesce e fa le cunde
Fin'alla quinde, quanne sapene pigghià appunde.
E pure nù pigghiamm' appunde: iè deffigile ricordare !!
Amisce anziane, vicchi'e nove, de la terze'e quart' età
e car'e, gendile, sapiende professa Castoro Marielle
nan perdime timbe, acchemenzame affa Cappelle
m'apprime salute e auguri a tutte di cultura a sazzietà.
Pregamme il buon Dio, la Madonne e tutti i Sarti
de fange sta in bone salute fìsica e mendale,
affrondamme sereni quest'impegne annuale
A la fine d'uanne, facimme le cund'e tant' i canti.
Di giubilo saran quei canti, è sotteso : auguri a tutti da Tommaso
Tommaso Giannelli - novembre 2011
L'ascenzòre
Fra u quìnde e u seste piane pùm-pùm s’affermo’ l’ascenzòre:
marìdeme, nepòdeme e iì gredàmme pè assì sùbbete daffòre.
Ce a da fà, nesciùne sendève, stèvene tutte o frìscke sòpe a le balcùne,
u calòre jève assà e la pavùre pùre.Sperànne che venèsse qualche jùne,
acchemenzàmme a sbatte le pugne sòpe a la porte, ci sa a la Madonna
ngè facèvene assì e fernève chèdda agonì : steve a sedà sotte a la gònne!
Aiùte, aiùte, stàme dò nìnde achiùse, venite ad aprì, dò o quìnde piane,
e indànde passò chiù de nu quarte d’ore che le nìrve e delùre a le màne!
La peccenènne chiangève, marìdeme condennuàve a sbatte pugne a la pòrte
e iì pegghiàbbe n’aggìgghie, non fernève cchiù de riite pe chèdda malasòrte!
Da abbàsce na fèmmene gredàve : e ci iè chessa ascenzòre sèmbe sta occupate?
Iì non pòzzeche salì a la pète, vu u sapite che tènghe gàmme e piìte acciunguàte!
La nervatura aumendave: ma sìnde a chesse, pènze a jèdde e nu dò stame ad assì matte:
ah le crestiane sò probbie egoiste, ma forse non se rendève cùnde de cùsse brutte fatte!
Acquànne finalmende n’ànema bbòne nge venì ad aprì la porte, pareva de stà o cineme:
na bregessione de nguiline, minze vestute che acchiamendavene a mè e a marìdeme !
“Sò sèmbe dìtte che l’amministratore non vale nudde, dò a ma pegghià na decisione,
non se pòote scì n’ànze acchessì, pure l’alda dì s’à fermate e stève iìnde nu uagnòne!
“Cùdde jève u muratore de sùse che pertàve a la sgròsce sàcche de mattùne e gemènde
ècche percè pò l’ascenzòre se ferme sèmbe e nù arremanìme a la ppète pe nù fetende!
Finalmende trasèmme ìinde a case, drète a mè na fèmmene alla nvàme s’aveve ndrufolàte:
“Signò scusate non sàcceche mànghe come ve chiamate, ma cè spavinde ve site pegghiàte!
Vìne dò figghie, vìne dò, jàlzete la veste, schemmùgghie la vènde che dìgghe dò preghiere,
accìgghe tutte le vìirme che t’ avònne arrevàte fine ngànne, e sùbbete uarìsce fine a stasere !
“ Signora perché mi mettete l’aglio nell’ombelico?”
Cìtte figghie, cìtte, u uàgghie serve pe fa fescì tutte chìdde vìirme fetinde che tìne iìnde alla vènde
e vù signò bevite nu bicchiere d’acque che state bianga bianga, uh madonne ce sòrte de spavende!
Iì acchiamendave menza stordite chèssa femmena grossa grossa che facève le segne de crosce
sòpe a la vende de nepòdeme, e iì che penzave. “ ma vedite vù ce cose so sciùte a recapetà josce”!
Giuditta Abatescianni, 03 novembre 2011
Pestregghiùse e càpa tòste
Addò sta jìdde u mèste fuèche,
seccète sèmbe nu' precquèche!
Accapescènne frìske ppè fiàske
te chembìne quàlche nguàcchie!
U pestregghiùse jè pròbbie acchessì
jè na càpa tòste che non vòole sendì.
Cè tu jà rasciòne, jìdde grìite ffòrte
percè tutte sàpe, e s'arraghe a mòrte!
S'angàzze percè vòole ffà a mòde ssù:
l'àlde non esistène, jìdde jè u du cchiù.
E cè u ssànghe nge arrìve all'ècchie,
sbraitèsce, làsse tùtte e se ne va lèste!
A vedèuue càlme non te pàre
che jùne pènze e cìinde fàsce!
O càpa tòste e pestregghiùse
dànge rasciòne e po' achiùte!
Giuditta Abatescianni – marzo 2011
L'àcqque
L'àcqque che non ammène jìnde o cìjile stà,
però pùre u cìjile se pòte asseccà ppè le uà!
Chèssa tèrra nòste non s'accapìsce cchiù:
tramòte, alluvióne, cendràle nucliàre a nnù!
La pólvere e u smògghe ngè gnòtte ògne ddì,
e quànda pòvere peccenìnne chjìne de malatì!
Jàcqque, jàcqqa bbèlla mè te stònne a nguinà,
chìdde disonèste che a le terrìse sàpene penzà!
Jùne de le còse bbòne che ngè à remàste la mà salvà:
non jè possibbèle che tutte l'univèrse a và skaffuà!
Avìime abbesègne assà dell'acqqua sànde,
da le chezzàle e fine arrivà a le cammesànde!
Pùre chìdd' anème se revòldene jìnde a la tómbe
che la resòrse cchiù mbortànde se ne và a mònde!
Fàcime stu sagrèfigge tùtte quànne nzìime:
resparmiàme la resòrse de la tèrre mbrìme!
Giuditta Abatescianni – marzo 2011
La camenate inde'a Bare
Starnatine, a prim'ore, me so scetate
Cu senne all'ecchie sso chiamendate daffare :
Jè l'albe, u ciele è russe... ce belle chelore!
Sso penzate - ia fa na belle cammenate !
La casa me, da quase quarand'anne
sta all'ingrogio fra Capruzzi e Devito
addò le remure arruinene I' udito,
tranquillità, s' è possibile, vogghe acchianne !
Alle sette, quase cirche, sso assute
sciarpe au cuedde, cappotte e cappidde,
allegre allegre so aperte u cangidde
da u bar all'anghele nu cafè sso bevute.
M'arrecorde ca la matine subbete,na volde,
stevene le spazzine le strade a pelezzà
emmò, mezzune e cart'en derre ne stonne assà
d'u remmate "differenziate" ma fà la raccolde.
Amici, che l'ecchie apirte a ma cammenà
percè cacate de cane assà ne stonne
cu pede le puete cazza e pedenne
cudde belle profume a caste puete pertà'.
All'ingrogio u zemafere s'ingondra seenne seenne,
le crestiane nan s'affermene cu "russe,"
a coste de sci a sbatte gamme vrazze e musse
bacce alle maghene ca cu "verde" vonne cherrenne.
All'ammerse, cudde c'attraverse sop' a le "strisce,"
tranquille pu "verde," pe idde, "pedone", appecciate,
ìè fertenate ce da le maghene nan è scamazzate.
Primme o po, iè secure, acchesì va a fernesce.
Pe sci da Capruzze a vie Sparane
se face u sottepasse de la Stazzione.
Iè commode assà : iè na sfazzione
Acsì u cendre da nue nan è lendane.
Vie Sparane iè comme a vie Condotte
a Rome, comme Mondelione a Milane,
addò a da cammenà chiane chiane
ca chisse nan so vie ma vere salotte.
Ce uè accatta la robbe inde a chessa strade
à da tene terrise assà inde a lla palde
acchesì puete capa tra iune e ualde
ce senò iè megghie ca cange gondrade
A o cendre le vie sso precise e giuste
Da destre a mangine, da sope a sotte
"Murattiane" u discene cusse rione asatte
Co Corse Cavour e Vittoriemmanuele o cuest.
Passegiande atturne a chisse belle strade
s'arrive a via Venezzie e nderre a la lanze
addò s'arricciene le pulpe e s'accatte la paranze.
Vicine sta pure u tiadre Petruzzelle restaurate
All'uldeme, ma iè primme ind'o core
l'orazzione a ma fa a u Sande neste:
S. Nicole iè Sande antiche, bun'e nziste
ca le barise devote protegge cu ammore!
Chessa longhe e belle cammenate
fernesce all'engandevole lungomare
addò puete pezzecà e assedute riposare
sembe ca avà iesse belle la scemate.
U à fatte ppe nù, nu granne ministre barese
ottand'anne fa, di nomme “Crollalanza"
crestiane capace, oneste e de sostanze
ca delle gombaesane nan tradì l'attese.
Tommaso Giannelli – gennaio 2011
La pocrisì
La pocrisì jè acquànne jùne t'allìsce da n'ànze,
te vàse, t'abbràzze, pare dòlge e jeducate, ànze!
Ma còme t'aggìre ècche che da drète te tàgghie,
e te fàsce na vèste lòonga fìne a le ngenàgghie!
La pocrisì jè acquànne jùne te dà sèmbe conzìglie,
te vòle aiutà percè dìsce che ngè puète jèsse figlie!
La pocrisì tène u mùsse a pùnde, prònde a ffà ciù ciù,
e se scàndalìzze assà, ma de pùlpe n'à frìtte de cchiù!
Giuditta Abatescianni – gennaio 2011
U besciàrde
Se nàsce besciàrde e se mòore besciàrde:
jè nà malatjì che te ngràsse chiù du llàrde!
Alla prima bescì devèende russe mbàcce,
po' la fàcce addevènde vérde còme o uàcce!
Ngè ne stònne assà de crestiàne adàcchessì,
te n'avvìrte sùbbete che te stònne a mendì!
U besciàrde non potè tenè la memòria córte,
percè ce pìcche pìcche rìschie che se scòrde,
tu u vìite de cangià chelòre
e de sceleppà che le paròle!
Giuditta Abatescianni - gennaio 2011
Nu senètte ppè Tommàse nèste!
Acquànne véne a la scòole, pare pròbbie nu uagnòne: cartèlle sótto o vràzze, mbeccàbbele, nu vére signóre!
U digiassètte dicèmbre: e còme mu pòzzeche non recherdà: Jiì pure ssò nàte dì e mése uguale e chèsse jè pura veretà!
Tutte u vòolene bbène, tutte u cèerchene: jìdde u sape e allòre rìite e jè chendènde!
T'acchiamènde e te stùdie che chidd'ècchie chiare: te fàsce la fotografi e ce pòote tammene a mmàre!
Assedùte o vanghe de la scoòle nnànze a Marièlle sta sèmbe attènde, sènde, pìgghie appùnde, scrìive, fàsce qualche desègne mbertinènde!
Precìse, struìite, bbuène de core, senzìbbele e...fórse pegnùle! Ce de polìdeche la pìinze devèrse fernèsce che arremàne sùle!
Jùmene còmme a jìdde non nàscene cchiù: E ccè jè o no nà fertùne decitèue tutte vù!
Giuditta Abatescianni – dicembre 2010
Na matine all'Asl
'Na dì, de matine subbete, sso sciute all'ASL
e me sso mise mmenze all'ammalate vere e fals.
Percè malate de fantasie, u sapite, ne stonne assà,
e pure chidde can a tenene nudde cce fà
comm'a mme, e vonne ddà !
Steve na femmene assedute, co u cule sope a do segge.
Nu crestiane tutt'osse, la facce bianghe, ca steve a legge
ca la vocche aperte pe ddà l'aria alle pelmune frecate.
Eppo nna belle signora iè trasute, tùtt'aggiustate,
però le gamme, poveredde, ievene tutte fasciate!
Arrive l'infermere e schame : chi sta per l'otorino?
Ce v'acchianne, disce iune au ualde, u motorine?,
ieve probbie idde ca u dottore sceve acchianne,
acquanne ng' u discene s'iaize fescenne fescenne.
Le penziri e le delure pare c'aumendane che l'attesa
du brobbie turne. E la signora fasce la faccie de l'offesa.
Eppò si ialze : u mideche ava vedè le so vvene varicose,
chiamende atturne, sgondrose, comm'a disce : i isso ii !
e pure che le vene ngrossate, so na belle schandose!!
Na vosce disce : dolore e probbleme tinime a cassette
e chesse va fascenne la schandose e la subbrette !
Arrive n'alde 'nfermere: chi sta per l'oculiste ?
Eccomi ! disce nu vecchiaridde inziste, scarse iè la viste.
A iune e iune vonne tutte a ffà la visete tremuanne,
cudde assselute ca giammanghe l'arie s'affanne :
u pneumologhe, purtroppe, starmatine iè assende.
Me ne so sciute pur'ie: cure pe mme non ge ne stonne!
Penseche a l'amisce che a iune e iune se ne vonne,
e lassene pe ssembe cusse belle munne,
iè la malinconie, allore, de le vicchie la malatie....
Concludende ci ama disce ? Pasce a loro e a nnu allegrie !!
Tommaso Giannelli - novembre 2010